't is gedaon, bedank det geej d'r allemaol beej waas! Weej hebbe genaote! Hald òs website in de gate; want binnekort kint geej heej de nieje cd bestelle!

Bestuur

Veurzitter Gerrit Schuurs
Sekretaris Rob Pouwels
Penningmeister Kevin Keunen
Viceveurzitter Ton Lamberts
Techniek Ruud Brünken
Algemein Huub Leurs
PR & Marketing    Ikar Pril
Gerrit Schuurs Gerrit Schuurs

Gerrit 35 jaor. Getrouwd mit Inge. Auk Gerrit haet twië zeun wao hae gruuets op is. Echte Venlose jông dae in hertje stad woënt. Waas Vors beej Jocus Toekôms. Gemeinteraodslid gewaes in de stad Venlo. In ‘t dageliks laeve ôndernemer. Gerrit is mei-eigenaer van Vizier ICT en van Ferretti & Delifrance. Auk Gerrit haet ein historie mit de Venlose Revue, zoe waas hae te zeen op de plenk tiédes de revue “Altiéd ’t zelfde leedje”. Sinds 2014 veurzitter van de Stichting Venlose Revue.

Rob Pouwels Rob Pouwels

Rob 41 jaor. Getrouwd mit Fanny en greuzelende vader van twië boys. Getaoge in Venlo, maar woënend in Velde. Veur de kos werkzaam beej KEM Venlo. Dao is Rob verantwaordelik veur ‘t ônreurend good mit name in de horeca. Sinds dreej revues actief as changeur en noow as sikkertaris. Sinds 2005 “Buunmeister” van VVG Jocus.

Kevin Keunen Kevin Keunen

Kevin 36 jaor. Getrouwd mit Danielle en gruuetse pap van twië zeun. In ‘t dagelikse laeve werkzaam bij Philipse & Keunen. Ein accountants- en belastingadvieskantoër wao Kevin partner is. Naeve penningfoekser van de Venlose Revue, jeugveurzitter van VVV’03. Op de zondaagmorge zelf op ‘t veld te vinde in ‘t derde van VVV’03. Hobbies gezellig op stap gaon mit ‘t gezin of vrinde.

Ton Lamberts Ton Lamberts

Ton 55 jaor. Getrouwd mit Susan. Trotste vader van eine zoon en ein dochter. 13 jaor langk bestuurslid gewaes beej VVG Jocus. Erg verknoch aan Venlo en de Venlose cultuur. In ‘t dageliks bestaon theatermanager Techniek beej de Maaspoort. Cultuur en werk zien daomit erg doën verbônde. Daonaeve bestuurslid Productie “Boétegewoëne Boétezitting” en bestuurslid Productie beej “Venlo on Ice” ;  aukk actief verbônde mit de productie “Viva Classic Live”. In de spaarzame vreeje eurkes döks op de fiets te vinde.

Ruud Brünken Ruud Brünken

Ruud 51 jaor. Getrouwd mit Gerty. Gruuets pap te zien van twië jônges. Ruud is eigenaer Ruud Brünken Timmerwerken BV. Al 37 jaor actief betrokke beej VVG Jocus en 15 jaor daovan as veurzitter van de TC. Vaerder vanaaf de oprichting bestuurslid van de ‘Optochhal”. Al diverse jaore actief betrokke beej de Venlose Revue.  “Det had ge gedruimp” en “Huzareslaaj” as bouwer van diverse decors  en changeur , beej “Waat ennenn Tiéd II” “Altiéd ’t zelfde Leedje” en “De Slaag um ’t Jaomerdal”  as hauf-changeur en vanaaf december 2014 bestuurslid Techniek. Hobbies zien Jocus en de Venlose Revue.

Huub Leurs Huub Leurs

Meer info volgt.

Ikar Pril Ikar Pril

Ikar 49 jaor. Getrouwd mit Léonne en Trotse vader van eine zoon en ein dochter. Verdeend de kos mit zien eige reclame- en evenementebureau, 2Reclame. Taeves mei-eigenaar van de netwerkclub Bizznip. Naeve bestuurslid beej de Venlose Revue is Ikar auk actief in de kemissie marketing en communicatie van de Venlose Hockey Club. In ziene vreejen tiéd steit Ikar gaer aan ’t fornuus en is daonaeve gaer in Frankriék te vinde.