't is gedaon, bedank det geej d'r allemaol beej waas! Weej hebbe genaote! Hald òs website in de gate; want binnekort kint geej heej de nieje cd bestelle!

Leedjes

KERSLEEDJE

Leeve vrouw, ik vraog belaef

Of geej kinder vaders gaef

Meug ik dan ein niej gezin

’nne Pap, ein mam, ein niej begin

 

Leeve vrouw ik kôm neet dök

Maar haol dae las van miene rök

Gaef mich klante, gaef mich tiéd

Anders raak ik alles kwiét

 

Snieje velt, decemberkelt

Toch ôntsteit gezelligheid

Weer ein jaor, waat waas ’t zwaor

idderein vindt Kersmis fijn

 

Ein belke det rinkelt, blinkende winkels

Die lokke de zeukende mins

D'n tiéd van bedanke, van ingele-klanke

van antwaord op iddere wins

 

Snieje velt, decemberkelt

Maar mien blood veult werm, veult good

Staak de striéd, ’t is vredestiéd

idderein vindt Kersmis fijn

 

Ein ster met ein stert

Wiés de waeg nao dien hertje

En örges dae stal met det kind

Al is d’r haos neemus

Dae wet nog det Kersmis

Met kribkes en schäöpkes begint

 

Kôm ens door de Klaosstraot laupe

Kôm ôg heej ein Kersfees kaupe

 

Snieje velt, decemberkelt

idderein vindt Kersmis fijn

 

 

’t GEIT ÔS GOOD

’t Geit good, ’t geit ôs good, supergood

Alle daag gen eb maar vlood

We kinne amper nog luime

 

’t Geit good, ’t geit zoë good, biëstig good

Gen geklaag, gen slech gemood

We hebbe niks miér te druime

 

En huurse minse näöle det de halve stad laegsteit

Dan zaese det allein d’n allerbeste blief bestaon

Allein de middestander dae ’n brök nao nieje waeg sleit

Percies wie ik, percies wie weej,

weej zulle noëit vergaon!

 

’t Geit good, ’t geit ôs good, supergood

Alle daag gen eb maar vlood

De klante bliéve maar kômme

 

’t Geit good, ’t geit zoë good, biëstig good

Gen geklaag, gen slech gemood

Laot de greekers maar brômme

't Geit ôs good.

 

En huurse minse näöle det de halve stad laegsteit

Dan zaese det allein d’n allerbeste blief bestaon

Allein de middestander dae ’n brök nao nieje waeg sleit

Percies wie ik, percies wie weej,

weej zulle noëit vergaon!

 

’t Geit good, ’t geit ôs good, supergood

Alle daag gen eb maar vlood

De klante bliéve maar kômme

 

’t Geit good, ’t geit zoë good, biëstig good

Gen geklaag, gen slech gemood

Laot de greekers maar brômme

De Pruuse bliéve waal kômme

’t Zit nog steeds wie ’t zoot

’t Geit - ôs - good!

 

WAE WET

Wae wet wao alle jaore zien gebleeve?

Staon die opgestapeld örges in d’n hook?

Wae wet wae al die iëuwe haet verdreeve?

Zien weej messchien maar letters in ein book?

 

’t Antwaord blief verschaole

Achter wolke en mis

Pas asse dich kump haole

Zuusse wae de schriéver is

 

Wao zien toch alle jaore

in die jaore haer gegaon?

Wie lang blief mien ald Venlo,

zoë wie ik Venlo kin, bestaon

 

VENLO

Heej struimde Mooder Maas

Al wie d’r wiejer weinig waas

’t Water brach ôs stein veur stein

De stad van idderein

 

En waer ik morge blind

Geluif maar det ik Venlo vind

Al laup ik gans mien lônge laeg

Mien hert det wiés de waeg

 

Venlo

 

En kômme d’r ens zwaore daag

Det alle haop in veur vervaag

Dan wet de stad det door ein traon

D’r bloome greuje gaon

 

Venlo

 

Noëit verlaot ik deze grônd

Dae mich van kinds aaf aan

Aan alles heej verbônd

Festina Lente bliéf gezônd

 

Venlo

 

WELKÔM IN VENLO

Dit is de spreuk van ôs stad:

welkôm in Venlo 

De ruuks de gasvreeje lôch

Weej hebbe jen en lol zat 

Veur idderein plaats genôg

 

Al môsse waal zien geboore, welkôm in Venlo 

Tösse de Maas en de hei

’t Leefste binne de moore 

Dan bisse welkôm

Welkôm, kôm maar d’rin en doot mei

 

Weej zien van wiéd kômme laupe,

Weej hebbe hônger en dors

Gen geld um kleier te kaupe

Welkôm, laup maar nao Grubbevors

 

Weej vinde ’t zoë fijn

Um te kiéke nao de navel in ôzzen eige boék

Maar det duit toch idderein?

Euver gans de waereld is ’t good gebroék

 

Desse iërs ’s aan dichzelf dinks

En euver Venlo Stedje zings

En dan pas nao de vraemde winks

En dan pas saame drinks

 

Want velt aan ôg waat te verdeene?

welkôm in Venlo 

ZIet geej de kiep met ’t golde ei?

Dan zien ôs ingste gauw verdweene

Welkôm in Venlo 

Welkôm, kôm maar d’rin en doot mei

 

Ein daak, ein bed en waat water

Ein bietje wermte is al zat

Betale doon we, maar later

Gen plaats in Venlo

Gen plaats en auk noëit neet gehad

Maak plaats en weej helpe de stad

Gen plaats in ôs bômvolle stad

 

IK HÖF MIEN GLAAS

Ik bin Graaf van Gelder, ik ruúk nao de kelder,

met ein grote kan beer in de hand

Ik vind, dames hiére, weej môtte waat viere!

Det pak det ik kreeg steit charmant

Haol glazer en pölle, dan kan ik die völle,

wies geej allemaol zat heb gehad

Kôm laot ôs noow klinke, op Venlo ens drinke!

Ik maak van dit gaat oëit ein stad!

 

Ik höf mien glaas op alle Venlonaere

die ônderein zich toch zoë good verstaon

Op wie 't waas en wie 't oëit zal waere

Gezôndheid luuj, det 't Venlo good maag gaon

Op wie 't waas en wie 't oëit zal waere

Gezôndheid luuj, det 't Venlo good maag gaon

Jao, good maag gaon

  

ZE HEBBE ÔS TE PAKKE

Dein Uniform sitzt scheisse

Der Stalin lacht zich rot

Du solltest es zerreisse

Gebrauch es für dein vot!

Jawohl Frau General

Das ist ja ein Skandal…

 

Sie haben uns te pakke mit die pakke

Die setzen uns als Übermensch te kakke

De Welt is haos van ôs

Weej zien de Katze geej de Maus

En toch zeen weej, ’t Herrenvolk

As boételuimers aus

Sie haben uns te pakke

Met die pakke, waat ein leid!

Weej veule ôs, wir fühlen uns

Weej veule ôs geneijd

 

Mein Uniform war klasse

Davon ist niks zu sehen

Wieso tut das nicht passe

Ich kann das nicht verstehen

Ich will das einer kuckt

Wieso das Ding so juckt

 

SCHUULKELDER

Drek kômme de bômme

weej halde ôs stil

En we kroépe beejein

mit Angst in den Augen

Unheimisch Gefühl

Im Bauch einen Stein

 

Die Hoffnung, de haop

Oëit dan brik heej d’n hemel weer aop

Wir drücken im Keller die Hand,

met d’n andere kant, want heej

Is d’n oorlog veurbeej

Ist der Krieg schon vorbei

 

Verdômme die bômme

En al det geweld

Ik wil ’t neet miér

Kein Mensch kann voraussehen

Wo wirklich was fällt

Ich hoffe nicht hier

 

De Hoffnung, die greujt

Das ein Blum tösse puinhaupe bleujt

Dae kelder mak vijande vrind,

nur der Mensch gewinnt

Dus heej

Is d’n oorlog veurbeej

Ist der Krieg schon vorbei

 

Ruum de puin mei op

Op straot en in de kop

De Hoffnung, die greujt

Das ein Blum tösse puinhaupe bleujt

Dae kelder mak vijande vrind,

nur der Mensch gewinnt

Dus heej

Is d’n oorlog veurbeej

Ist der Krieg schon vorbei

Is d'n oorlog veurbeej

 

HELDE VAN DE KRAAL

Zôndaagmorge

’t Zunke schient al op d’n berg

D’n oétslaag nog verborge

Maar of ze winne of verlaere is neet erg

We wille eur zeen zweite, we wille weite

Det ze alles doon al kos ’t eur de kop

Ze môtte peeze, det veld op sjeeze,

Want dan wuurt ’t ein goal gebaore,

let maar op!

 

Pak de sjaal, ’t zien de Helde van de Kraal

ôs voetbalideaal! Totaal!

Want oëit dan winne weej royaal

Neet normaal die Helde van de Kraal

Zweij met ôgge sjaal, massaal

Oeït dan winne weej de schaal

 

Vriédaagaovend

’t Ganse volk in gael en zwart

Wille winne wie belaof is

Maar de wette van ’t voetbal die zien hard

Ze kinne ’t neet vaele, ze roope: ‘Schaele!’

Nao d’n eige man, de midveur of d’n back

‘Kiék um dao plaare, halve gaare

Waer noow wakker jungs, penantie, scheiven drek!’

 

Pak de sjaal, ’t zien de Helde van de Kraal

VVV

ôs voetbalideaal!

Ech waal, Royaal! Totaal!

Want oëit dan winne weej royaal

Neet normaal die Helde van de Kraal

Zweij met ôgge sjaal, massaal

En oeït dan winne weej de schaal

Alles heej is VVV

 

MET EIN BIETJE LEEFDE

Met ein bietje leefde

bliéf ik langer

Net det bietje leever

doën beej dich

Gaef ein bietje leefde

Bin neet bang en

zwich veur mich

 

Beej de iërste zônnestraole

’s aoves veur ’t slaopegaon

In ’t leech van de maon

Idd’ren daag ein bietje leefde

En weej bliéve bestaon

 

Met ein bietje leefde

Wuurt ’t laeve

Net ein bietje miér

de meuite waerd

Hesse nog waat leefde

Um te gaeve?

‘k Wil ’t gaer

 

Wao ôs auk de jaore bringe

Veur zoëlang weej meuge zien

Iëuwig misschien

Dreej maol daags waat leefde zinge

Help taege de pien

 

Zônder kleine bietjes leefde

hadde weej neet bestaon

hadde weej neet bestaon

 

MANNE

As de man ens vrouw kôs waere

En de vrouw waas efkes man

Dan leep ’t in de waereld

ens volledig volges plan

 

En dan liérde al die mansluuj

Och, wie zwaor ’t laeve is

Asse alledaag met kinder

of de was ‘nt plaare bis

 

Manne

En al eur planne

En al eur wilde, dapp’re planne

wao ze noëit gen zak mei doon

Manne

Probeer ens de panne

Probeer ens de kaetels as det kan

en doot de striék en poets de schoon

 

As de vrouw ens man kôs waere

en de man ens vrouw kôs zien

dan verlaor de ganse waereld

intelik dae schoëne schien

En dan liérde al die vrouwluuj

Och, wie fijn 't laeve is

Asse alledaag in bed of in de kroeg te vinde bis

 

Manne

En al eur planne

En al eur wilde, dapp’re planne

wao ze noëit gen zak mei doon

Manne

Probeer ens de panne

Probeer ens de kaetels as det kan

en doot de striék en poets de schoon

 

Vrouwe

Op ôs kinse bouwe

Weej zien te vertrouwe want veur ôs geldt: ’n vrouw ’n vrouw, ein waord ein waord

Vrouwe

We môtte ens dauwe

We môt noow gauw ens ech gaon dauwe

taege alles waat ôs stoort

taege alles waat ôs stoort

 

KERSKE

As ’t kerske brandt

Blief de haop bestand

Taege werk’lijkheid

En zal de kop ’t druimend hert laote begaon

 

Want zô’n vlam bringk mood:

Alles kump weer good

As ’t geluif besteit

Det waat neemus had gedach toch kin bestaon

 

Laot ’t noow maar weije

De vlam is sterker

Dan de sterkste wind

en sterker dan de

Winter, raege,

’t kin d’r taege,   

maar hald

hald d’n aom waal in

En geluif van ’t begin wies aan ’t ind

 

As ’t kerske brandt

Blief de haop bestand

Taege werk’lijkheid

En zal de kop ’t druimend hert

 

Want zô’n vlam bringk mood:

Alles kump weer good

As ’t geluif besteit

 

Det waat neemus had gedach

Det waat neemus had verwach besteit

Det waat neemus had gedach

Det waat neemus had verwach besteit

 

WELKOM IN D’N TOEKÔMS

Welkôm in d’n toekôms

straks is noow

Dit is d’n toekôms

Niej Venlo

 

Dit is de d’n toekôms

Waat geej heb gemis

Is det alles um ôs haer van Sjang Knuip is

 

Dit is noow d’n toekôms en ’t raegent geld

Auk al had gen waerberich zô’n waer veurspeld

 

D’n toekôms, d’n toekôms, d’n toekôms

 

Gen vleegende auto’s, nae, bin maar neet bang

Gen lasergewaere, det deurt nog zoë lang

Maar alles is ôndertösse waal van Sjang

Alles is veur Sjang

 

Welkôm in d’n toekôms

straks is noow

Dit is d’n toekôms

niej Venlo

 

Dit is d’n toekôms

waat geej heb gemis

Is det alles um ôs haer van Sjang Knuip is

 

Dit is noow d’n toekôms en ’t raegent geld

Auk al had gen waerberich zô’n waer veurspeld

 

D’n toekôms, alles is veur Sjang

 

PAP WAO BISSE

Pap, wao bisse? Pap, wao bisse?

Gaef mich ein teiken astebleef

Ik gaon dich idd'ren daag miér misse

‘k kin dich neet maar ‘k heb dich leef

Ik zoel d'r alles noow veur gaeve

um te weite waose bis

ennen erm, ein bein, mien laeve

De meus ens weite pap, wie ik dich mis

 

Ik heb noow lang genôg gewach

Bin meug van vraoge en van haope

Ik heb 't good det môt gezag

maar mien hert steit nog waat aope

Ik mis de knoével en dien erm

Gooje road veur papa’s kiendje

Eemus wao ik mich aan werm

en veur de pien ein asprientje

 

Pap, wao bisse? Pap, wao bisse?

Gaef mich ein teiken astebleef

Ik gaon dich idd'ren daag miér misse

kin dich neet maar maar heb dich leef

Ik zoel d'r alles noow veur gaeve

um te weite waose bis

ennen erm, ein bein, mien laeve

De meus ens weite wie ik dich mis

De meus ens weite, pap, wie ik dich mis

 

VENLO VAN D’N ANDERE KANT 

Hae is heej gebaore en greuijde heej op

Alle straote en getskes kint hae oét de kop

Maar noow zuut hae Venlo van d’n andere kant

Want wae neet verblindt wuurt door waat-e bezit

Dae zuut alle kleure in plaats van zwart-wit

Pas dan zuut hae Venlo van d’n andere kant

 

En is ’t naat of kald

of waat dan auk, dan hald toch stand

De zuus Venlo, Venlo van d’n andere kant

En geluif mich al waasse neet bis

of waasse mis, gen schand

De zuus Venlo, Venlo van d’n andere kant

 

’t Leet aan d’n duuster, de stilte misschien

De schien van de maon zoel ’t auk kinne zien

Ôch man… Venlo van d’n andere kant

De stad liékent ’s nachs waal ein printebook net

D’n hemel mien raemke, de straot is mien bed

En dan zeen ik Venlo van d’n andere kant

 

En is ’t naat of kald

of waat dan auk dan hald toch stand

De zuus Venlo, Venlo van d’n andere kant

En geluif mich al waasse neet bis

of waasse mis, gen schand

De zuus Venlo, Venlo van d’n andere kant

 

EINE VAN ÔS

Ik zal dich braeke, ik zal dich braeke

Ik hald de moel en zal mien jatte laote spraeke

Ik gaon dich kraake, ik gaon dich kraake

Zoë hard det neemus oëit of örges dich kin maake

 

Heej is maar lôch zat

Veur eine van ôs, veur eine van ôs

Huügstes genôg stad

Veur eine van ôs, veur eine van ôs

 

Ik kin dich scheete, ik kin dich scheete

Ik maak met eine knal ’n ind aan deze vete

Ik wil dich raake, ik wil dich raake

Ik bin beniejd wie zeut dae wraak van mich zal smaake

 

PRÔNKE SCHOËNE SCHIEN

’t Knettert, ’t spettert,

de Klaosstraot vol met vônke van ’t Prônke

Charmeere, flaneere,

wie gaer weej paradeere, kiék ôs Prônke

En we danse en we sjanse, haopend op ein kans

En we razele en dazele veurbeej

En we zingen en we springe, gans de stad die glans heej, glans heej

 

Alles waas misschien

Aaf en toe ein bietje schoëne schien

Maar met waat fantasie kin parelwien

ech champagne zien

 

’t Slechste holt

Wuurt klatergold

Dus bin waese wils zien!

Met aaf en toe

ein bietje schoëne schien

 

’t Is prachtig, ’t is machtig,

De serpentines lônke, we gaon Prônke

We kinne beginne

en straks wuurt d’r gedrônke op ’t

Prônke,

En we danse en we sjanse, haopend op ein kans

En we razele en dazele veurbeej

En we zingen en we springe, gans de stad die glans heej, glans heej