Weej zeuke acteurs, actrices en figurante  die gaer mei wille doon aan de nieje produksie van de Venlose Revue. 
Meld dich aan via de pagina 'Audities'

Audities Venlose Revue 2020

Weej zeuke acteurs, actrices en figurante (minimale laeftijd 16 jaor) die gaer mei wille doon aan de Venlose Revue. 
Vanaaf now is ut meugelik dich aan te melde veur de audisies van de nieje produksie van de Venlose Revue die in ut naojaor van 2020 geprissenteert wuuërt in Theater de Maaspoort.
De nieje editie van de Venlose Revue; ‘De vlook van Hölster Heinke’ is geschreven door Wiel Aerts en Frans Pollux. De regie is in hand van Cees Rullens en Jelle Truijen teikent veur de produktieleiding.

Wannier zien de audisies?
De audisies zien op 14, 15, 21 en 22 september 2018 in de Venlonazaal. Mochte der vuuël aanmeldinge zien zölle der ekstra audisies komme.
In de iërste waek van september huurse per mail wannier dien audisie is.

Waat mosse veurbereide?
Van iddere auditant verwachte weej dat hae eine monoloog liërt en ein leedje zingk. Nao inschrieving veur de audisies kriegse toegang tot de audisiepagina wao-op desse kins zeen waatse môs veurbereide.

Bekindmaking rolle
Nao alle audisies, haet ut artistieke team de zwaore taak um de rolle te verdeile. Op maondaagavond 05 november zal regisseur Cees Rullens de rolle bekindmaake. Schrief deze datum vas op asse audisies geis doon.

Rippetisies en oètveuringe
Meidoon aan de Venlose Revue is vreejwillig, maar niet vreejblievend. Asse meiduis – en ein rol kriegs - gaon weej der auk vanoèt desse dich 100% inzets. Det beteikent desse alle repetisies en veurstellinge aanwezig bis.
De repetisies zölle starte vanaaf miert 2019. Ut iërste jaor zal der allein gerippeteert waere op woensdagaovond. Vanaaf ut veurjaor van 2020 kump dao de maondagaovond beej.
Tiedes ut rippetisieproces zölle der auk inkele daorlaopdaag gepland waere op zaoterdaag.

In september/oktober 2020 zien de (20) veurstellinge. Halt der dus raekening mei desse dan vuuël aovonde/wiekende in de Maaspoort bis i.vm. rippetisies, daorlaope en de veurstellinge.

Waor geit ‘De vlook van Hölster Heinke’ euver?
Enne joeksige feesaovend van twië Venlose sportvereiniginge in Kefeej de Maagdenberg löp op groëte ruzie oét. Det liékent te ligge aan de taegestellinge tösse hockeyers en voetballers, maar ’t kump eigelik doortoedoon van d’n dolende geis van struukrauver Hölster Heinke, dae oëit terech is gesteld achter de Maagdenberg. Um de kwaoje geis te verdriéve en ’t fees asnog te doon slaage, môtte kasteleinse Nelen zien twië kinder deep de geschiedenis in duike. De sleutel leet namelijk in ’t Venlo van 1750, wie de bende van Hölster Heinke de umgaeving teisterde.