OÈTGESTELD

π•π„ππ‹πŽπ’π„ 𝐑𝐄𝐕𝐔𝐄 “π•π‹πŽπŽπŠ 𝐇Ö𝐋𝐒𝐓𝐄𝐑 π‡π„πˆππŠπ„” π„πˆπ π‰π€πŽπ‘ 𝐎È𝐓𝐆𝐄𝐒𝐓𝐄𝐋𝐃

Op woensdaag 25 miërt is ut bestuur van de Venlose Revue met de regisseur en produksieleider via Skype beej mekaar gekomme um de maatreegele van de regering veur ut COVID-19 virus te bespraeke.Ein vande maatreegele is det aopebaare beejeinkomste tot 01 juni 2020 verbaoje zien.
Dit beteikend det de rippetisies van de Revue in idder geval neet veur 01 juni opniej kinne beginne.
En det mak ut onmeugelik um in oktoëber ein top Revue, zoëas geej die van de Venlose Revue gewint ziet, op de plenk te bringe.

 

Ut bestuur haet dan auk met pien in ut hert motte besloète um de veurstelling in 2020 neet door te laote gaon en te verplaatse naor september/oktoëber 𝟐𝟎𝟐𝟏. De precieze data waere later bekint gemak.
 

Ut bestuur haet de speulers en vreejwilligers op de huuëgte gebrach van dit lastige besloèt. De algemeine reaksie is det de speulers en vreejwilligers achter dit besloèt staon. Euverleg met sponsoore en subsidiante zal zoë snel meugelik plaatsvinde.

Vaerder meug auk de co-operatieve opstelling van de Maaspaort Theater & Events vermeld waere. Saame met de Maaspaort Theater & Events zal gekeeke waere naor de nieje data in 2021. Dees nieje data zölle zoë snel meugelik bekint gemak waere via de websites www.maapoort.nl en www.venloserevue.nl.

 

Ut bestuur van de Revue saame met de Maaspaort Theater & Events doon eur uuterste bes um alle betrokkene en zeeker auk de minse die al kaarte gekoch hebbe vaerder te informeere. De Maaspaort Theater & Events zal kontak opneeme met de minse die al kaarte gekoch hebbe, maar vruuëg um gedölt.

Logo VR- Oranje-02.png

Venlose Revue 2020
"De vlook van Hölster Heinke"