VERHAOL

Door ein boekingsfout môtte Venlosche Boys en VHC eure feesaovend saame viere in Grand Café De Maagdenberg. Det geit, ôndanks taegegestelde culture, aanvankelijk verrassend good. Wiesdet ein duuster figuur met zichbaar genot de twië clubs taegenein opzet. Det figuur is de dolende geis van de 18e iëuwse struukrauver Hölster Heinke, dae oëit op steinworp aafstand woort geradbraak.

 

Um de kwaoje geis te verdriéve duik ‘t kasteleins-echpaar Jan en Nel same met eur twië kinder deep de geschiedenis in. De sleutel leet namelijk in ’t Venlo van 1750, wie de bende van Hölster Heinke de umgaeving teisterde.

 

We volge in daen tiéd de avonture van Janneke, ein Venloos maedje det in Hölster Heinke enne soort Robin Hood zuut: hae schoep van de riéke, en guuf aan de erme. Ôndertösse môt Janneke ziene vreejer, de Hollandse dragonder Tinus, juus de wet bewake.

As Janneke zich aansluut beej de bende van Hölster Heinke, kump alles ônder hoëgspanning te staon. Ein spanning die wies op d’n daag van vandaag doorwerk.

 

Leefde, joeks, boeve en netuurlik enne gas fantastische leedjes: det is de Venlose Revue. De halve stad steit op de buun, de res zit in de zaal.

Venlose Revue 2019
"De vlook van Hölster Heinke"

Logo VR- Oranje-02.png