Sponsore

D’n tied van Toeën: Sponsor de Venlose Revue!

De Venlose Revue, ‘n cultureel icoon det al 100 jaar deep geworteld is in de Venlose samelaeving, steit aan de veuraovend van ‘n nieje veurstelling. Mier as 150.000 cultuurleefhebbers hebbe door de jaore haer ós veurstellinge bezóch en genaote van de unieke sfeer die allein de Venlose Revue kin beje.

In september en oktober 2026 bringe weej sestieën gloodnieje oetvoeringe nao Theater Maaspoort. D’n titel van dees sprankelende Revue is D’n tied van Toeën. ’t Wuurt ‘n prachtig verhaol, mit beejpassende leedjes, geschreve door ós nieje vieftal Eileen Bosch, Yentl Evers, Koos Franssen, Laura Hendrikx en Emiel Ketellapper.

Jeroen Marcelissen steit as regisseur aan ‘t roer van dees produksie. ‘n Enthousiaste Venlose cast, ondersteund door ruum 100 toegewijde vreejwilligers achter de scherme, zal knoerhard werke um dees nieje Venlose Revue tot laeve te bringe.

Allein mit de hölp van spónsorore kinne weej ‘n theaterproduksie van dit formaat op de plenk bringe. Daorum hebben weej, speciaal veur óg, interessante spónsorpakkette same gesteld. Weej danke óg veur de beejdrage mit neet allein vreejkaarte, aevel ouk mit publiciteit, exclusieve spónsorevents én unieke extra’s.

Heejonder vindt geej podcasts wao in bekinde Venlonaere de geschiedenis van ‘n zestal coryfeeën oet de rieke historie van de Venlose Revue mit óg deile. Ouk vindt geej heej mier info aan inzake de diverse sponsorpakkette.

Good um te weite: de Venlose Revue haet de ANBI-status. Same mit óg steun en betrókkenheid kinne weej dit groeëtschalige, professionele theaterstök neerzette, en dit rieke Venlose cultuurgood veurtzette. Laote weej euver in gesprek gaon!

Mit vrintelikke groet, ‘t team van de Venlose Revue